Burtursæð frá 2009 tá 130 luttóku (Rúsdrekkasøla Landsins hevði einar 30 luttakarar við) so var talan um størsta luttøkutal hesuferð, og tað eru vit í Treysti ómetaliga fegin um og stolt av. Umleið 110 luttakarar runnu, gingu og súklaðu teinin í ár.

Veðrið var av tí allarbesta, bert nakrir fáir dropar tá ein kom út úr Trøllanestunlinum, og sum Eileen segði í 3-2, so var tað akkuurát tað ein hevði brúk fyri. 

Ferðingin til og frá Kalsoynni, nú SAM var á sleipistøð, bleiv avgreidd við Viljanum og góðari hjálp frá Heina Gregerssen, Andreas Josephsen og Jón Rasmussen, sum sigldu fólk aftur og fram við egnum bátum.

Á Trøllanesi vóru tey, sum altíð, sera blíð og borðreiddu við fiskasuppu, kaffi og køkum.

Myndir frá túrinum, sum Gutti tók meðan hann rann, eru at finna í okkara myndasavni og leinkja til myndir sum Jákup Jacobsen tók er her.

Aftur í ár var niðurlagið: EIN FANTASTISKUR TÚRUR !