Talan var um rættiliga góða luttøku í Fossánes Renningini í dag. Einir 90 luttakarar høvdu boða frá luttøku. Vit loyva okkum at reypa, tí luttøkutalið varð størri enn á bæði Sundalagsstevnu, Jóansøku, Fjarðastevnu og Vestanstevnu, og tað eru vit í Treysti sera glað fyri og sera stolt av.
Tá undirtøkan er so góð, sum hon altíð er, í Fossánes Renningini, so er longu avgjørt at hon verður aftur sama vikuskifti næsta ár! So tað bert at herja á við venjing til næsta ár.
Í góðveðrinum í dag blivu eisini nógvar góðar tíðir og spennandi uppgerðir at síggja. Heiðursmerkir, sum Fossábúðin lat, vóru til nummar eitt, tvey og trý í øllum bólkunum.
Øll úrslitini eru at finna her niðanfyri. Viðmerkjast skal at øll tey vaksnu runnu samstundis.
Treysti takkar øllum fyri luttøkuna í dag, og eisini teimum mongu áskoðarunum, sum heppaðu og settu dám á tiltakið. Eisini ein tøkk til Fossábúðina, sum lat heiðursmerkini, og tøkk til øll hjálparfólkini.
