Í leygarmorgunin kl. 5.00 føroyska tíð fór Pól undir 7. og seinasta marathoni í Bornholm Ultramarathon, og bert 3 tímar og 41 minuttir seinni var hann longu komin á mál.
Samanumtikið hevur tað gingið rættiliga væl hjá Pól í hesi renningini. Taktikkurin hjá honum var at taka tað róligt í byrjanini, tí at hann hevur ikki áður roynt at renna 7 marathon dag um dag. Hann hevur verið væl fyrireikaður og runnið nógvar kilometrar undan túrinum til Bornholm. Á Bornholm hevur hann verið sera "disciplinerur" við ikki at gera ov nógv av og hevur hildið seg til sína ætlan, og tað hevur eydnast sera væl. So væl, at hann hevur gjøgnumført við betri tíð fyri hvønn einasta dag.
Pól verður aftur í Klaksvík seinnapartin týsdagin. Treysti fer at hava móttøku fyri honum í hølunum hjá EIK Banka í Bøgøtu týskvøldið kl. 20.00, har øll eru hjartaliga vælkomin at heilsa uppá Pól.
